Friday, March 30, 2012

യുദ്ധം


ഒരു കൊച്ചു ഗോളത്തിലൊരു കൊച്ചു 
തീരത്തിലറിയാതെ തമ്മിലറിയാതെ നാം
പിറന്നിങ്ങു വീണു., പിന്നീട്-
മുസ്ത്ഫ മാധവൻ മാർക്കോസുമാർ നാം
തമ്മിലറിഞ്ഞു കളിച്ചങ്ങു വളർന്നു.
അറിവൊത്തിരി നേടും വരേയ്ക്കും നാം
അടിയിട്ടത് കളിയായിട്ടും കണ്ണിമാങ്ങയ്ക്കും.
അറിവിത്തിരി നേടിയപ്പോഴെക്കും
അടിയിട്ടത് ദേശത്തിനും ദൈവത്തിനും.
അറിവോടെ എന്നാലെന്തിനെന്നറിയാതെ
കൊത്തിയരിഞ്ഞു നാം പരസ്പരം.
ഞൊടി നേരം കൊണ്ടീ ദൈവത്തിൻ നാടിനെ
ചോരയൊഴുകും സാത്താന്റെ നാടാക്കി നാം മാറ്റി
കാഷായ,തലപ്പാവു, ളോഹകൾക്കുള്ളിൽ
ചിരിച്ചു ഒരു കൂട്ടം, ഒരു ജാതി ചെകുത്താന്മാർ.
ഒരുമിക്കാനൊത്തുചേരാൻ പകലും;
വടിവാളും ബോംബുമെടുക്കാനിരവിലും
ആഹ്വാനിക്കുന്നു ഒരേ വായ്.
ഹാ കഷ്ടം.. എന്തിനെന്നറിയാതെ, ആർക്കെന്നറിയാതെ
എരിഞ്ഞടങ്ങുന്നു ഈയാം പാറ്റകളാം നമ്മൾ....


[ NB: :( ]

7 comments:

  1. "ഹാ കഷ്ടം..എന്തിനെന്നറിയാതെ,ആര്‍ക്കെന്നറിയാതെ
    എരിഞ്ഞടങ്ങുന്നു ഈയാം പാറ്റകളാം നമ്മള്‍..,..."
    കാലികപ്രസക്തിയുള്ള വരികള്‍
    ആശംസകള്‍

    ReplyDelete
  2. എല്ലാരും കൂടെ വന്ന് പെരുമാറും കേട്ടോ...

    ReplyDelete
  3. ആർക്കെന്നറിയാതെ
    എരിഞ്ഞടങ്ങുന്നു ഈയാം പാറ്റകളാം നമ്മൾ....

    കാലികപ്രസക്തിയുള്ള വരികള്‍

    ReplyDelete
  4. തല്ല് മേടിക്കും :)

    ReplyDelete
  5. കാലികപ്രസക്തമായ നല്ല വരികൾ.

    ReplyDelete
  6. അറിവിത്തിരി നേടിയപ്പോഴെക്കും
    അടിയിട്ടത് ദേശത്തിനും ദൈവത്തിനും.

    നല്ല കാര്യമാത്രപ്രസക്തമായ വരികൾ. വായിക്കുമ്പോ, ഇതിപ്പൊ ആര്ക്കും എഴുതാമല്ലോ ന്ന് തോന്നുന്ന സിമ്പിൾ വരികൾ. പക്ഷെ വളരെ കഠിനം. രസമുണ്ട് ട്ടോ വായിക്കാൻ. ആശംസകൾ.

    ReplyDelete
  7. മുസ്ത്ഫ മാധവൻ മാർക്കോസുമാർ നാം
    തമ്മിലറിഞ്ഞു കളിച്ചങ്ങു വളർന്നു.
    അറിവൊത്തിരി നേടും വരേയ്ക്കും നാം
    അടിയിട്ടത് കളിയായിട്ടും കണ്ണിമാങ്ങയ്ക്കും.
    അറിവിത്തിരി നേടിയപ്പോഴെക്കും
    അടിയിട്ടത് ദേശത്തിനും ദൈവത്തിനും.
    അറിവോടെ എന്നാലെന്തിനെന്നറിയാതെ
    കൊത്തിയരിഞ്ഞു നാം പരസ്പരം.

    ReplyDelete

.... കാണുമ്പോ മുട്ടായി വാങ്ങിത്തരാട്ടോ ...

Related Posts Plugin for WordPress, Blogger...